國米巴塞高層密會 魯營失意球星冬窗必走

20191027
東網電視
更多新聞短片
(Getty Images)
意甲勁旅國際米蘭同西甲班霸巴塞隆拿喺歐聯同組鬥餐死,不過有人就收到風,上星期有國米高層去咗巴塞隆拿同「地上最強」高層會面,究竟傾啲乜?消息話係要傾吓出年一月冬季轉會窗,「藍黑兵團」想由巴塞買入克羅地亞中場拿傑迪錫喎,仲話成事機會幾高添!
根據西班牙《世界體育報》報道,國米高層今次去巴塞傾,係想睇吓有冇機會買入拿傑迪錫或維達爾,當中巴塞傾向放走拿傑迪鍚,而轉會費只係大約要3,500萬歐元。冇錯,拿傑迪錫雖然喺巴塞踢咗5季,仲要一直都係必然正選,但自從巴塞今夏買入荷蘭新星法蘭基迪莊之後,主帥華爾維迪就將拿傑迪鍚踢落後備,令到呢位31歲中場今季上陣機會大減。
事實上,拿傑迪錫早排都公開表示:「喺巴塞係想踢波而唔係喺沙灘散步!」西班牙傳媒都認為,根本呢位克羅地亞球星都好想走,唔想再喺巴塞後備席浪費時間。咁家陣既然國米想要人,拿傑迪錫又想走,睇嚟只要價錢啱傾,巴塞放人都應該冇乜問題囉!
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。