【有片】罰球窄角度笠射　門將輸到絕望

正在巴西舉行嘅世少盃出現一球世紀金球，C組南韓對海地一戰，南韓17歲前鋒金基盛，複製「細哨」朗拿甸奴於2002年世界盃笠死英格蘭門將施文一幕。

當時比賽去到26分鐘，南韓右路獲得罰球，全世界都以為金基盛會大腳斬前，但佢竟然選擇笠射，果然成功收死海地門將，為球隊先開紀錄，南韓U17最終贏2:1，旗開得勝。

金基盛今次入波令人諗起，2002年世界盃8強巴西對英格蘭，朗拿甸奴右路開出罰球，直接笠死英軍門將施文。當時「細哨」嘅罰球位置比較遠，但角度較大，而金基盛喺窄角度之下，都選擇笠射，更高難度，果然藝高人膽大。

金基盛效力南韓次級聯賽光州FC，經過今次射入世界波之後，肯定又成為歐洲豪門爭奪目標。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。