香港飛馬挫理文 菁英盃2戰2勝

20191029
東網電視
更多新聞短片
「菁英盃」A組周二(29日)晚戰火重燃,香港飛馬乘上輪挫標準流浪餘勇,在旺角大球場「擺擂台」惡鬥上場逼和傑志的理文。結果飛馬憑大衛拉菲爾、佐佐木周和雷傑名的入球,以3比1擊敗曾一度靠佐迪追和的理文,飛馬賽事兩連勝得6分暫列A組次名。
理文上周三(23日)憑尼迪利和顏樂楓的入球,以2比2賽和傑志。今仗兩人均被收起,改以佐迪和亞哥斯達任進攻線。而飛馬則續以上場攻入2球的文迪斯任正選。開賽初段飛馬佔優,文迪斯6分鐘中路推順攻門,惟不中目標。20分鐘,大衛拉菲爾接應文迪斯傳球遠射,被袁皓俊接實。理文站穩陣腳後還擊,鄧匡延27分鐘傳中,佐迪攞定起腳僅僅高出。飛馬在36分鐘差點先開紀錄,文迪斯開角球直接彎入龍門,袁皓俊在白界前拍出力保不失。惟「肥袁」在1分鐘後便告失守,大衛拉菲爾接應傳中右腳勁抽射入,飛馬37分鐘打破僵局。及後理文極力反撲,並成功在6分鐘後扳平,佐迪43分鐘接應迪奧高頭鎚跣後,空門射成1比1,雙方半場打成平手。
理文易邊後初段稍佔形勢,51分鐘周家樂角球開出,門前李康廉批頂偏離目標。9分鐘後飛馬再度領先,文迪斯扭過對手後長推直進,再力壓守衞傳中,佐佐木周門前射成2比1。隨後,理文換入位踞射手榜首位的尼迪利加強攻力,而飛馬亦派陳偉豪上場鎮守後方。66分鐘,沙普夫中路遠射,被梁興傑一抱入懷。73分鐘輪到小將周家樂的嘗試,他接應李康廉的短傳第一時間起腳,不過射門未能考驗門將「09」。78分鐘,尼迪利力壓米高加斯洛窄角度勁射,惟皮球一飛沖天。理文未能把握機會,更被對手再下一城,雷傑名禁區頂接應傳中撞射,皮球直飛死角,助飛馬在83分鐘奠定3比1的勝局。
最終,香港飛馬以3比1力挫理文,飛馬在「菁英盃」A組取得兩連勝得6分,惟同組東方龍獅仍以較佳得失球差,力壓飛馬暫踞榜首。
香港飛馬主教練文彼得於賽後稱讚一眾球員十分團結︰「球隊踢得好好,全隊人都上下一心,做到賽前部署喺前邊迫,有耐性咁等去邊路再迫都有,喺後場等人去猜波都有,要拿捏到呢樣嘢好緊要,十個人一齊齊上齊落,今日做得好好。」對於今仗取得入球的年輕小將雷傑名,「文Sir」亦對他給予不俗評價︰「其實佢喺球隊操練都好穩定,或者霎時間要佢出嚟踢會有啲困難,不過佢嘅技術同足球意識同智慧,喺隊中嘅年青球員嚟講都數一數二,今場亦都做到佢應做嘅嘢。」
理文主教練陳曉明賽後表示,今場部分主力受傷,加上要準備作客富力R&F,成今場落敗因素:「上場對完傑志我哋有啲球員傷,同埋聽日就會準備上廣州,變咗今場有啲後顧之憂。」他又指,菁英盃的新賽制影響了球隊部署:「今年賽制相對上長,呢排我哋『2周4戰』,變咗要喺兩條線中間取捨。」雖然落敗,但「曉明Sir」仍點名大讚今場擔任正選的兩名年青球員表現:「見到周家樂同鄧匡延比上場信心大咗,我覺得佢哋踢得好好,就算今場大仗都見到佢哋好嘅一面。」