【特稿】歐洲罰球王　美斯拋離對手幾遠？

巴塞隆拿前鋒美斯腳法出神入化，近年連罰球技術都進化到爐火純青，周三(30號)西甲大炒華拉度列一仗，美斯29碼外射入超靚罰球，亦係佢職業生涯第50次用直接自由球建功(巴塞隆拿44次、阿根廷6次)，認真犀利。

世界球壇有唔少「罰球高手」，不過美斯嘅罰球絕技已屬超晒班，自2016/17球季開始嘅3個幾球季，美斯以16次罰球入波位列全歐洲第1位，排第2位嘅有4個，包括保羅戴巴拿(祖雲達斯)、高拉洛夫(羅馬)、費基亞(貝迪斯)同伊尼斯巴迪希(利雲特)，佢哋都係入咗6球，足足少美斯10球咁多呀！

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。