【有片】唔止沙加!奧巴美揚被阿迷羞辱

20191030
東網電視
更多新聞短片
被視為全球最鍾意「自殘」嘅阿仙奴球迷,果然名不虛傳,繼格列沙加被自己球迷噓到崩潰之後,勢估唔到連陣中首席射手奧巴美揚亦都「遭殃」,網上瘋傳一段奧巴美揚被球迷當街羞辱嘅視頻,連陣中王牌球星都被鬧到狗血淋頭,真係歎為觀止!
阿仙奴今季表現差勁,不過奧巴美揚仍有7個入球,當中有3球致勝球同3球追平嘅關鍵球,絕對稱得上係單天保至尊,不過隨住連續3場聯賽交白卷,阿迷嘅耐性似乎已到「極限」,上仗被水晶宮逼和2比2後,奧巴美揚揸住佢架銀色林寶堅尼返屋企期間,喺燈位前被幾名阿迷圍住爆粗狂插:「每年畀2,000鎊睇你哋啲垃圾?死X開啦!」另一人就怒吼:「你個阿仙奴騙子!」慶幸嘅係奧巴美揚並冇好似格列沙加咁失控,佢等到綠燈後即開車走人。
對於呢幾個連王牌球星都羞辱嘅「超客觀」阿迷,部份「盲撐」粉絲就批評:「點解要侮辱奧巴美揚?佢係全隊最佳球員,我發誓阿迷係想逼走球隊最好嘅球員。」另一人就話:「冇奧巴美揚一次又一次嘅救命波,阿仙奴依家排緊尾5位,我以呢班球迷為恥。」
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。