加里夫巴利玻璃身　名醫話戒一樣嘢得救

西甲班霸皇家馬德里球星加里夫巴利，近排因傷休戰，但球會一直冇公布傷情，今個星期一，有傳媒發現「大聖爺」帶住佢最信賴嘅物理治療師飛咗去倫敦，然後到周二先返番馬德里，根據西班牙電視六台估計，巴利倫敦之行明顯係為醫傷，而傷處極可能係佢小腿比目魚肌。

對於巴利傷勢進展如果，西媒始終都掌握唔到太多，不過，有前皇馬醫療部主管迪哥拉爾就對佢前東家畀咗個建議，就係應該禁止巴利打高爾夫球喎！喺1994至2007掌管皇馬醫療部嘅迪哥拉爾話：「如果皇馬醫療部仲係由我揸弗，我會禁止巴利打高爾夫球。事關高爾夫對腰椎狀況有好高要求，好明顯會影響到腰椎肌肉。呢種運動一定要避免。」「大聖爺」近年傷患纏身，醫極唔好，或者真係要聽聽各方面意見，否則仲踢到幾多年真係難講。

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。