【特稿】好似一個人！拉舒福特為大戰而生

曼聯近期表現全面回勇，射手拉舒福特嘅翻生明顯係主要原因，季初一直受到球迷批評嘅「福仔」，卸下單箭頭包袱之後脫胎換骨，近4場比賽入4球，睇佢射罰球嘅眼神，自信心返晒嚟，連領隊蘇斯克查賽後都話：「(個罰球)真係好似C朗拿度，唔係咩？」如果拉舒福特Keep住呢團火，一眾豪門就要打醒精神！

拉舒福特並唔屬於超高產量前鋒，不過佢哋入波「含金量」極高，今季各項賽事嘅7個入波，有6球係面對強敵攻入，對手分別係車路士(2場)、利物浦同李斯特城；睇埋拉舒福特歷來32個英超入波，有超過3分之1係面對Big 6球隊取得(11球)，可見拉舒福特係遇強愈強！

唔好忘記，拉舒福特今日(31號)只係啱啱22歲生日，嚟緊仲有大把進步空間。自從C朗拿度之後，曼聯有冇一個喺重要大賽入面可以令球迷充滿信心嘅球員？依家可能搵到嘞！

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。