【有片】單刀橫傳！夏薩特好心做壞事

周四(31日)凌晨西甲，皇馬憑洛迪高高斯、沙治奧拉莫斯、卻奧斯、賓施馬、盧卡祖域各入1球，以5:0大勝雷加利斯，但天價球星夏薩特食白果，而且佢仲有1次單刀橫傳，浪費入波黃金機會。

當時踢79分鐘，夏薩特突破越位，殺入禁區左則，面前只剩下對手門將桑蘇利安奴，但佢唔起腳，選擇橫傳畀華拉尼，可能呢位中堅都估唔到一向獨食嘅夏薩特竟然咁無私，結果反應慢咗，錯失1次入波良機，幸好無礙皇馬大勝。

雖然夏薩特今場冇波入，又冇助攻，但表現已經比季初大為改善，包括博到1球12碼，由沙治奧拉莫斯射入，夏神亦有多次單對單扭過對手，製造威脅，難怪賽後獲選為今場最佳球員。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。