富力R&F鬥理文 睇吓基華尼頓定「伊高」好扭啲

20191101
東網電視
更多新聞短片
富力R&F主場迎戰理文。
「中銀人壽香港超級聯賽」周六(2日)下午同時上演兩場激戰,目前於聯賽失分最少的理文,北上作客鬥「4哥」富力R&F;元朗大球場則上演「新界打吡」,由佳聯元朗硬撼和富大埔,力爭聯賽首勝。(周六下午2時30分開賽)
富力R&F相隔兩周再次主場出擊恭迎理文,主教練楊正光明言:「理文係另一支爭標份子,經過舊年嘅磨合,今季再有幾位出色球員加盟,如李康廉、亞哥斯達等,表現十分平均,攻力亦大大提升。我相信佢哋都係進取嘅,所以我哋部署上會有微調,今場我哋只得一個目標,就係攞走3分升榜首!」
球隊在過去兩場「菁英盃」作大幅度輪換,「光Sir」透露是為了備戰今仗:「唔想球員太長時間冇比賽,上場『菁英盃』我哋都派咗幾位主力上陣,大部分球員狀態良好,可以Full Team去比賽。」「光Sir」在賽前記者會尾段更笑言:「我乜都唔驚,最驚『陳Sir』(陳曉明)帶紅色衫嚟!」
揮軍北上的理文,主教練陳曉明透露:「我哋周二踢完『菁英盃』,早少少上嚟可以畀球員多啲時間恢復,周四亦安排咗啲輕鬆嘅練習,目前球員精神狀態都唔錯。」面對強敵富力R&F,「陳Sir」認為今仗極其重要:「今季富力嘅實力有增無減,我哋都有唔少進步,今年喺聯賽都有更高期望,如果今場贏到,對球隊成績會係好關鍵嘅一場波。」
談及「光Sir」的憂慮,「陳Sir」笑言:「全世界球員、教練都會有唔同習慣,但最重要都係球員嘅表現,至於『光Sir』咁驚我件紅色衫嘅話,咁佢咪買另一件畀我着囉!又或者叫埋佢一齊着紅衫!」有指「曉明Sir」賽事中穿着的紅色上衣乃「幸運戰衣」,到底是役能否發揮功效,賽後便有分曉。