樂極生悲！福仔學蘇B慶祝搞到受傷

曼聯前鋒拉舒福特上場英聯盃對車路士，射入靚絕罰球後，以跪地滑草式慶祝，點知搞到膝部受傷，可能缺陣周六(2日)晚英超作客般尼茅夫。

拉舒福特當時慶祝後，行路已經出現拐下拐下情況，領隊蘇斯克查喺記者會上透露，呢位英格蘭國腳未必可以上陣對般尼茅夫。

蘇B仲以過來人身份，指自己都曾經因為做出跪地滑草式慶祝動作，導致受傷：「1999年歐聯決賽，我因為做出呢個動作，扭傷韌帶，仲錯過國家隊比賽，我最後亦因為膝傷而退休，但並非因為1999年嗰次受傷，而係傷另一個膝頭。」

跪地滑草式慶祝一向被視為高危動作，加上有蘇斯克查前車之鑑，拉舒福特仲要重複犯錯，真係激死人。

除咗拉舒福特之外，2位中堅哈利馬古尼、域陀連迪路夫都有傷在身，能否上陣對般尼茅夫亦成疑問，曼聯要爭取4連勝有危機。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。