愉園嚴陣以待 東方龍獅偏向「斧山」行

20191102
東網電視
更多新聞短片
愉園主場恭迎東方龍獅。
毋需登入,立即睇直播:
「中銀人壽香港超級聯賽」周日(3日)下午會上演兩場賽事,其中愉園再於斧山道運動場出擊,迎戰實力份子東方龍獅。作為「新軍」的愉園表現愈見進步,攻守體系亦開始成形,即使對手火力強勁,主帥鮑家耀指仍會鼓勵球員積極進攻,與東方龍獅周旋到底。(on.cc東網周日下午2時30分直播)
愉園上輪聯賽與香港飛馬踢成3比3,數日前於「菁英盃」分組賽亮相,硬撼冠忠南區亦僅以0比1落敗,主教練鮑家耀表示賽果雖未如理想,但對愉園在進攻方面有明顯進步感到滿意︰「撇除勝負,依家就算對方塞咗喺後面,我哋都組織到攻門機會,呢樣嘢係開心嘅,希望球員可以繼續改善,特別喺埋門嘅把握力。」
對於今場又要打硬仗,在主場迎擊三甲球隊東方龍獅,「鮑Sir」直言由於東方人腳充裕,落場陣容難以估計,故會作出針對性部署應對東方的「危險人物」︰「東方有好多球員,中後場調動會比較大,不過前鋒線上嘅慕沙同艾華頓個人能力同技術都好強,已提醒球員要特別留意呢兩位前鋒。」
另一邊廂,東方龍獅於上周中轉戰「菁英盃」,在大幅輪換下仍以2比1擊敗傑志,主教練李志堅直言對贏波感高興,更重要是樂見正選、副選及青年球員之間的狀態取得平衡︰「換咗8個人落去踢唔係容易,再加上我哋只有4位青年球員,踢『菁英盃』喺位置上受到局限,所以最後可以贏波,的確達到一個好好嘅效果。」
今日回師聯賽,儘管上輪不敵冠忠南區,被打破不敗金身,但其實該仗東方龍獅攻門次數為15射6中,最後竟只入1球。為力爭上游,「堅Sir」透露改善把握力是重點︰「喺數據上睇得好清楚,始終踢波擺唔到個波入網就係關鍵,影響甚至會比失咗一球大意波更加嚴重,所以呢方面都係我哋首要考慮嘅。」
毋需登入,立即睇直播: