【德甲瘋狂】拜仁世紀慘敗　高華日內被炒

周六(2號)德甲出現超冷門賽果，班霸拜仁慕尼黑作客以1比5慘敗於法蘭克福腳下。拜仁今場大敗主因，係中堅謝路美保定開波9分鐘就食紅牌，結果炮製出呢個足智彩400倍超冷波膽。拜仁輸波後跌到落聯賽榜第4位，今場係球隊喺21世紀第3次德甲輸4球或以上，教練尼高高華被炒魷之日已經非常接近。

拜仁慕尼黑上一次喺德甲輸4球已經係10年前，當時佢哋1比5不敵禾夫斯堡，據德國《圖片報》消息，拜仁高層賽後登上隊巴同球員對話，而且突然取消周日(3號)一課招待球迷嘅公開操練，似乎預示「有事發生」。德國《Sport1》消息亦指出，尼高高華好大機會短期內被炒，助教費里克或者U19教練高路斯可能會暫掌帥位。

立即參加「賞您睇」：https://tinyurl.com/y2e6pmwk　

Click下面粒掣，儲on.cc coins！機票、家電、超市禮券、過萬份獎品等緊你。