入球率高過亨利　奧巴美揚等做新隊長

阿仙奴上場英超被狼隊逼和1:1，兵工廠前鋒奧巴美揚又入波，呢位30歲加蓬國腳只係用78場，就射入50個英超入球，入球率比阿仙奴傳奇射手亨利更加高，領隊艾美利透露，可能畀奧巴美揚坐正，取代格列沙加，成為正式隊長。

奧巴美揚為阿仙奴踢咗78場英超入50球及12次助攻，成為球隊史上第7快取得50個聯賽入球嘅球員。

唔好以為排7位冇料到，因為強如亨利，都要踢104場英超，先至入到50球，尹佩斯更加用咗146場，可想而知奧巴美揚其實非常犀利。

由於隊長格列沙加早前同球迷發生衝突，被球會雪藏，奧巴美揚今場暫代隊長一職，領隊艾美利表示將會決定新隊長人選，奧巴美揚屬於4位副隊長之一，以為佢神勇表現，就算坐正都唔過份。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。