羅渣士拆解「華Dee」翻生之謎

20191105
東網電視
更多新聞短片
(Getty Images)
英超李斯特城尋晚作客2比0輕取水晶宮,為「李城」射入第2球嘅係英格蘭國腳射手占美華迪。「華Dee」今季狀態大勇,至今累積喺英超入咗10球,喺射手榜帶出,領隊羅渣士解釋佢點解今季會翻生,32歲都踢得勁Fit。
羅渣士話係戰術踢法作出少少調整之後,「華Dee」即刻生番晒:「佢近排成日畀人嘘,反而令佢更專注比賽。當然,佢翻生首要原因,係佢係防守工作上,唔使再追晒對方防線4人。要知道華迪從來都係個為球隊跑到盡嘅人,依家佢只會根據我哋想佢嘅方法,去作出短距離緊逼對手,呢樣佢做得好好。佢喺裝防守陷阱上好聰明,成為咗我哋嘅防守重點。」
羅渣士之後補充:「佢係呢個級別最頂級射手,我哋只係幫佢作出少少調整。最重要一點,佢依家會笑住去踢,學識享受足球,呢點對於任何球員都係相當重要。」
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。