【有片】阿積士輸到扯火　貝侯斯怒打球迷

最強博彩盤路過關神器《串績王》：http://win.on.cc/football/　

荷甲周日(28日)煞科，賽前仍有希望爭奪歐聯資格嘅阿積士，作客以1比3不敵川迪，只能夠以聯賽第3名身份踢下季歐霸盃。阿積士輸波後球員心情麻麻，荷蘭國腳中場貝侯斯完場後返上巴士期間，更出手怒打一名川迪球迷，事後要公開道歉。

煞科戰前阿積士落後燕豪芬3分，今場要贏波之外，亦要寄望燕豪芬輸畀阿爾克馬爾，結果阿積士唔爭氣輸1比3，而燕豪芬就2比1贏波拎到歐聯資格。當阿積士球員準備坐隊巴離開之際，貝侯斯突然走向一名球迷揮拳打人，再被保安勸返上車，有關影片喺網上瘋傳。

貝侯斯打球迷影片：https://shorturl.at/drBY9　

31歲嘅貝侯斯冷靜之後，發出公開道歉聲明：「我為自己嘅行為後悔，我唔應該咁做。我次作客比賽，我哋都會聽到好多攻擊同威脅言論，應該早就習慣，可惜有人覺得可以肆無忌憚咁講任何嘢，我知道我嘅行為解決唔到任何問題，係一個唔合適嘅行為，我應該作為阿積士嘅模範。」