回歸訊號？美斯唔慶祝法甲　返巴塞聽演唱會

最強博彩盤路過關神器《串績王》：http://win.on.cc/football/　

巴黎聖日耳門(PSG)提前贏得法甲冠軍後，周日(28日)拉隊出席法甲頒獎禮兼搞慶祝派對，絕大部份PSG球員都有出席，不過阿根廷「球王」美斯就選擇甩底，更被影到飛返巴塞隆拿，同老友法比加斯一齊去Coldplay嘅演唱會，唔通係回歸巴塞隆拿嘅訊號？

即將約滿PSG嘅美斯，奪冠第二日就「離隊」飛返巴塞隆拿聽演唱會，以佢嘅人氣當然唔可能冇人發現，會場內觀眾知道美斯光臨，即刻全場大叫「美斯...美斯...」，有網民直指美斯寧願返巴塞休息都唔參加奪冠慶典，就知佢嘅心意。

至於PSG喺法甲頒獎禮理所當然成為大贏家，基利安麥巴比當選最佳球員，佢同美斯、阿舒拉夫同紐奴文迪斯阿歷山大4個PSG球員，亦齊齊入選法甲最佳11人。