富咸領隊搵費特密斟 唔通想挖角？
2023年05月29日 22:03
東網電視
更多新聞短片
富咸領隊馬高施華(圓圖)散場後捉住費特密斟。
最強博彩盤路過關神器《串績王》：http://win.on.cc/football/
曼聯煞科戰贏富咸散場後，有球迷目擊富咸領隊馬高施華喺停車場守候，一見到費特出嚟就上前攀談，之後拉埋一邊密斟，引起轉會揣測。
一直盛傳曼聯今夏中場大換血，費特同麥湯米尼兩名大後備將被清洗，費特同曼聯合約僅餘1年，續約機會不大，而對佢嚟講轉投富咸係唔錯選擇。
富咸今季重返英超企穩第10位，前曼聯中場安達斯彭利拿，仲有前阿仙奴翼鋒韋利安都喺富咸重生，今次馬高施華大庭廣眾捉住費特傾偈，有球迷猜測係轉會先兆。
英超傳媒披露，曼聯今夏接受各隊報價斟介費特，呢位巴西中場喺《轉會市場》身價為1700萬鎊(約1.64億港元)，富咸如果想出手，相信曼聯唔會拒絕。