港超聯　攻破舊主大門　蘇沙：狀態愈嚟愈好

深水埗周六（20日）在「中銀人壽香港超級聯賽」爆冷以2比0小勝冠忠南區，其中曾經效力冠忠南區的蘇沙，末段於1次突擊射破伍瑋謙十指關，助球隊鎖定勝局，他賽後稱自己狀態愈來愈理想，盼餘下賽事繼續有表現，回報教練團的信任。

蘇沙曾為南區效力4季，如今回歸港超後，仍能夠攻破舊球會大門，使他感覺非常特別，但強調現時只專注為深水埗爭勝：「我喺南區嗰4年有好多美好嘅回憶，呢度啲球迷永遠都係咁熱情，不過我依家只會集中諗辦法幫深水埗贏波，好開心今日大家都踢得好好，冇再畀勝利溜走。」

蘇沙在加盟深水埗前，已相隔一段長時間未有參與職業足球賽事，他承認剛投效球隊後，花上不少時間提升狀態，認為今場自己踢足之餘，更於尾段取得入球，證明狀態明顯有改善：「我一嚟到深水埗之後，日日都搏哂命去操練，好想盡快提升狀態，呢個入波證明之前嘅努力冇白費，希望之後繼續有出色發揮，報答教練團嘅信任。」