杜蘭帶足半場入波 2場入4球「變臉」慶祝
2025年02月14日 09:00
東網電視
更多新聞短片
祖漢杜蘭狀態大勇。
哥倫比亞新星祖漢杜蘭月初由阿士東維拉轉投艾納斯，登陸沙特後立即大放異彩，周五(14日)作客吉達艾阿里又入2球，帶領艾納斯贏3比2。加盟後2場入4球嘅祖漢杜蘭大玩「變臉」慶祝，風頭更勝拍檔C朗拿度。
祖漢杜蘭今場32分鐘先開紀錄，但施馬簡下半場早段被逐，打多個嘅吉達艾阿里78分鐘由艾雲東尼追平。劣勢嘅艾納斯仍努力求勝，艾文耶耶2分鐘後入波再次領先，祖漢杜蘭88分鐘喺中場線拎波，帶足半場連續兩次推右走左過人單刀射入。主隊之後再追一球於事無補，艾納斯險勝3比2。
21歲嘅祖漢杜蘭加盟2場就入4球，今場開紀錄後大玩「變臉」，非常搶鏡！佢同「老大哥」C朗亦相當合拍，C朗賽後喺社交網貼出兩人慶祝相片，祖漢杜蘭就留言「擦鞋」：「FIFA模式啟動，同史上最佳球員一齊慶祝」，果然識撈。