東網電視
更多新聞短片
理文會長李文恩賽後接受傳媒訪問。（鄧文滔攝）
1/3
早前有賀蘭特離任主教練，並以助教朱兆基暫代其職務的的理文，周六（15日）在「中銀人壽香港超級聯賽」以1比0小勝傑志，會長李文恩賽後表示，盼望換帥後令全隊以更樂觀的態度完成球季。
「黃黑軍團」上周逼和冠忠南區後，宣布賀蘭特離任主教練，再由朱兆基暫代職務直到球季結束，並於今仗擊敗傑志，全取3分，「李生」賽後受訪，稱讚球隊精神面貌大有改善，期望換帥後讓全隊，以更正面的心態完成球季：「我唔想大家帶住悔恨完成呢季，希望所有球員覺得自己嘅付出係有價值，為自己而戰，和和氣氣去踢，睇吓會唔會有好結果。」
「李生」亦承認本季引援策略有少許錯誤，預告來季陣容會年輕化，嘗試兼顧成績和培養新血：「今季組軍有啲錯誤，我本身上咗頭，覺得要CV勁嘅外援先夠班踢亞洲賽，今次經歷令我意識到，揀啲當弗嘅球員比CV重要，球隊下季會進一步年輕化，試吓喺爭取成績同培養年輕球員之間攞個平衡。」
理文以助教朱兆基（左）暫代主教練職務。（鄧文滔攝）
「李生」盼球員和和氣氣完成今季所有賽事。（鄧文滔攝）
