東網電視
更多新聞短片
明奈(左)成為皇馬收購目標。
早前傳出曼聯中場明奈拒絕續約，並準備轉投其他聯賽球隊後，事件有新發展，根據西班牙媒體《Fichajes》爆料，西甲豪門皇馬有興趣收購呢位19歲新星，夥拍王牌祖迪比寧咸，組成「英人黃金中場」。
明奈現時周薪僅2萬鎊，佢要求增加至18萬鎊周薪，先至肯續約，令陷入財困嘅曼聯卻步，呢位英格蘭國腳只剩下2年合約，一旦未能達成續約協議，紅魔鬼唔排除出售佢，皇馬有意接貨。
事實上，「銀河艦隊」近年積極推行年輕化，新加盟球員多數廿歲出頭，甚至只有18、19歲，包括18歲巴西前鋒安迪歷，明奈屬於收購目標範圍，尤其是中場莫迪歷已經39歲，簽入明奈可以接替呢位老將。
皇馬以往曾向曼聯挖角唔少球星，最轟動必定係簽入碧咸、C朗、雲尼斯達萊，明奈可能仿傚前輩上「艦」。據悉皇馬願意開出5,000萬鎊(約5億港元)收購明奈，但曼聯要求7,000萬鎊(約7億港元)以上轉會費，成為交易最大障礙。
