東網電視
更多新聞短片
巴科爾為大埔後防製造不少麻煩。（鄧文滔攝）
1/2
東方周日（16日）在「中銀人壽香港超級聯賽」，憑巴科爾（Noah）下半場梅開二度，作客以3比1力挫大埔，反壓「綠戰士」登上榜首，他表示季中幾位主力離隊後，面對極大困難，慶幸所有隊友團結一致，才得以擊敗強敵。
東方今仗一度落後，但換邊後展開反擊，靠Noah連入兩球，加上米祖域接應角球取得進帳，以3比1反勝大埔兼升上榜首，Noah賽後未被勝利沖昏頭腦，強調全隊餘下賽事務必保持集中：「今場贏波就上榜首，所以大家一開波就好有火，好開心總算達成呢個目標，但我哋嚟緊每場都要做好自己，睇吓可唔可以咬到最後，攞到聯賽冠軍。」
Noah亦感嘆今場勝利得來不易，並指出季中有幾名主力離隊後困難重重，幸好全隊互相補位，才得以與強隊周旋：「季中走咗幾個主力，對球隊有好大影響，雖然之後搵咗幾個新兵，但佢哋始終要時間融入，所以我哋唔會單靠個人能力贏波，所有人要齊上齊落，我都要幫手守波，今場證明只要大家堅持信念，就算對住強隊都有得鍊吓。」
巴科爾今仗助攻助守。（鄧文滔攝）
