東網電視
更多新聞短片
達里奧艾素高潛力優厚。
車路士喺轉會市場一向唔手軟，日前成功截曼聯胡收購士砵亭新星基奧雲尼昆達後，時隔1日再簽入20歲中場達里奧艾素高，轉會費為1,850萬鎊，今個夏天就會正式加盟。
據《The Athletic》報道，車路士同士砵亭達成協議，1,850萬鎊收購中場達里奧艾素高，雙方簽約7年，呢位葡萄牙U21國腳今季被外借去西甲嘅拉斯彭馬斯，有17場聯賽正選上陣紀錄，表現受到豪門關注，車路士就先下手為強。達里奧艾素高會喺夏天正式加盟，預計會成為摩西斯卡些度嘅替補。
車路士近期對葡萄牙球員情有獨鍾，上年夏天簽入柏度尼圖、祖奧菲歷斯同連拿度維加，不過後兩人喺年初又被外借。日前車路士斥4,000萬鎊「Book定」17歲嘅基奧雲尼昆達下年加盟，依家又簽埋達里奧艾素高，葡萄牙勢力高漲。
