【進階選項】創世紀卡士高捧咗先

對於莫雷拉近期表現跌Watt，有認為其坐騎實力根本不算強，有超買現象，亦有人指是他舟車勞頓影響演出。第一個論點合理，像剛周日頭場「勁飛寶寶」，縱然試閘第一表現進步，但上季四戰全屬大冷門身份，如今換上雷神卻只得2.1倍，要捧十多廿元莫雷拉坐騎大把選擇，跑第二已有交代。至於因為由澳洲返港表現失色，查騎者上季亦不時飛來飛去，即使賽前朝返港表現亦無影響。周六祈普敦又返祖家跑春季冠軍錦標，稍後輪到史卓豐返澳客串，作為馬會公司騎師以香港基地為先當然合理，但他們往外客串確是合法申請，看看將來如何解決這問題？

周四賽事莫雷拉出七場，每匹都有可爭之道但並無壓倒性優勢，第八場二班1800米，他選擇替苗廐「創世紀」執韁。此匹南非好望角堅尼季軍，上季在港三戰均有悅目走勢，經過一季適應，預期牠是可進升至分級賽冠軍行列，雷神認同早已取得策騎權，賽前兩課大閘，先試谷草1700米第二，再試泥閘1200米終點前超越「索先生」。「創世紀」父系乃南非一代馬王「王朝」，當年贏至2200米，其子嗣亦以一哩以上最耍家，既有兩課大閘準備，初跑此程能應付機會極高，論質素在此組佔上風，趁賠率不算太熱，先捧為妙。

友享友賞1檔可帶到

第二場「友享友賞」上賽前試泥閘快放第三，落場跑田草直路賽排檔普通票數不算勁，但全程走勢極具威脅，終點前才被「旅英公爵」趕過。上季曾跑谷草同程，當時生硬稚嫩敗不足據，熱身後練者替牠轉場再戰，難得抽到1檔好位，出閘順利且放且走有力帶到。同場「常山耆寶」亦是匹抖暑後進步良多質新馬，尤其埋門一課泥閘走勢悅目，打仔格「小法寶」子嗣開始入局，有分頭可兼顧。

紅旗星將A欄啱追

第四場蘇廐「紅旗星將」上季五戰未勝欠運，今季踏入四歲更成熟，預期可躋身更高班次。賽前試泥閘表面落敗距離較遠，惟細看直路上馬兒有抗拒踢起沙泥表現，一度左閃右避，惟修正後再撲有追勢。預計今場快馬不少，此匹後上型馬會受惠於賽事步速形勢，在全闊A欄可盡展所長。

皇家魅力一哩材料

同場有初出新馬「皇家魅力」，周歲時由五萬四千澳元出售，數月後兩歲再推出市場，以二十五萬澳元成交，原馬主先賺一筆。父系為當年名噪一時，在南北半合共十勝一級賽的「信可成真」，母系Matter產下頭八胎子嗣有六匹出賽，五匹勝出，其中三匹於黑字體錦標賽上名或贏馬，兩線均有睇頭。來港前在澳洲五次試大閘都屬落腳慢一類，但鬥心不差，將來跑一哩以上應有作為，今次路短可先看一回。