【有片】Bye Bye！有得威退役轉戰新加坡
20180507
東網電視
更多新聞短片
「有得威」同港人講bye bye喇！
啱啱喺冠軍一哩賽表現平平嘅「有得威」，雖然未有獲邀參加今個月26號於新加坡舉行嘅克蘭芝一哩賽，但亦唔代表呢隻馬冇機會喺星洲出賽，事關馬主傲風團體嘅經理人劉慶輝透露，將會安排愛駒退役，轉往新加坡發展。
對於突然有呢個決定，劉慶輝就話「有得威」戰鬥力絕對無退化，狀態亦好弗，並多謝姚本輝悉心訓練，可惜香港冇乜1400米嘅分級賽，如果繼續跑1200米或1600米未必攞到好成績，與其浪費時間，倒不如另謀發展。
至於點解揀新加坡，劉慶輝話因為當地一年都有十場左右嘅1200米至1400米分級賽，佢覺得「有得威」可以多啲機會爭取頭馬，而佢亦決定安排愛駒加盟麥菲文嘅哥哥菲特文馬房。
馬上去片↓