【最佳導賞團】蔡俊佳與墨盃有段金玉良緣？

維多利亞打吡日舉行完畢大約個半小時後，隨即就係第156屆墨爾本盃排位抽籤儀式，所在地正是以澳洲一代名駒Phar Lap為名的會堂。場內每張吧枱上均放有24匹參賽馬名字，所屬代表便可在這裏直擊儀式，而我與榮少誤打誤撞，結果企正高多芬馬房「金玉良緣」(Beautiful Romance)的一枱，唔知係咪上天給我指引？

一向有面盲症的我，原來企在身旁的正是騎師連達文，亦即夥拍「金玉良緣」爭盃的主戰手。冒昩上前傾幾句後，話題離不開會否再申請來港客串，達文仔亦直言香港的確競爭性大，不過近期在澳洲發展如意的他，都客氣地說睇情況吧，不排除這可能性。

殺入名駒兵工廠揭秘

休息一天過後，第二朝早上約咗練馬師史武頓茶敍，呢位練馬師名字相信不少馬迷都聽過，除咗轉播賽外，最主要原因是香港多匹良駒來港前都由史武頓一手一腳湊大，好似現役「詠彩繽紛」、「發盈喜」及「豪逸」等等多不勝數。我已經約好史武頓，過幾日就深入其大本營，揭開這位香港名駒伯樂嘅兵工廠，到底佢點樣訓練、有甚麼揀馬秘訣？想知嘅，一定要繼續留意我哋報道。

蔡俊佳 - 迷倒萬千少女嘅評馬才俊，精通香港及環球馬事