【九月出版】范義龍出自傳 你唔係唔睇嘛？

每逢名人出自傳，都會引起好多人關注。如果你係熱愛賽馬嘅人，咁今年9月一定要買英國傳奇好手范義龍嘅自傳喇。作為近代世界馬壇其中一位最具爭議性嘅騎師，范義龍絕對係天使與魔鬼嘅混合體，既試過六奪英國冠軍騎師寶座，贏過嘅大賽多不勝數，好似法國凱旋門大賽、葉森打吡等等。

另一方面，范義龍曾經牽涉造馬案，同時亦因尿液樣本被驗出含有可卡因，結果重罰停賽，最近亦因為飽受抑鬱症困擾，決定掛靴。

作為世界馬壇其中一位經歷最多高低起跌嘅騎師，范義龍既然願意出自傳，肯定非常吸引。根據出版商透露，呢本自傳個名暫定叫Insolence(意思係傲慢,無禮)，將於今年九月出版，內容包括范義龍整個騎師生涯嘅點滴。作為喜愛賽馬嘅馬迷，應該要擁有一本吧。