【女呀】目不暇給！谷閘花瓶大放送！

今朝快活谷馬場，一共舉行七組草閘，除咗有馬睇之外，欄邊不乏靚女，史卓豐女友Hannah與愛郎結伴到場，兩人頻頻放閃，Sweet到爆，眼中流露年青人嘅激情，睇嚟豐哥仔停緊賽都好唔得閒。

毛里裘斯籍騎師田泰安每逢入場，女友兼容廐騎馬人Xaviere必定蜜蜂嬲蜜糖，今晨佢身旁多咗一個大隻佬，難道係保鏢？

華籍騎師何澤堯亦唔輸蝕，玩開馬術賽嘅女友Natalie罕見現身谷閘，當Vincent策馬試閘時，Natalie匿喺欄邊用手機影低愛郎馬上英姿，作風低調，愛意滿瀉，這些機會⋯

壓軸出場猛就梗，就係賽馬業務及營運執行總監祁立賢嘅女兒，時間過得真係快，Anthony上任快將兩年，今朝趁風和日麗，帶埋女兒到場睇馬匹試閘，兩父女大方畀攝記影相，家人亦已習慣媒體採訪！