【戰況R4】證婚律師步入幸福凱旋門

跑馬地1000米賽事，真係執輸行頭慘過敗家，所以一出閘有唔少馬就搶！第四場四班1000米，潘頓「愛樂寶」排10檔起步，當然唔會執輸，率先推騎領先，就似一放到底贏馬，雷神大熱門「勁飛聖」跑第二，串成3.6倍大熱Q。值得一提，「愛樂寶」馬主為徐志剛先生，本身開設律師事務所，業務包括證婚服務，佢經常為新人證婚，如今愛駒取得首捷，終於調番轉由馬迷見證佢步入凱旋門拉頭馬嘅一刻。今場第三名為「創意寶」，「八心之友」略帶均速只跑第四，似乎要增程先啱發揮。

賽後，練馬師方嘉柏「愛樂寶」只得三歲，仍然處於學習階段，雖然今仗抽到10檔好差，但賽前已考慮嘗試搶出放頭跑，結果放到，呢種跑法亦令馬匹非常放鬆。由於「愛樂寶」當弗，希望季尾階段可以贏多場先抖暑。

第四場賽果：5-2-7-4

組合獨贏3揀1賽果：A1(最後賠率1.2)