【有片】半個月擸3W 周日最佳活動梗係論劍啦

由有長腿姐姐之稱嘅葉思貝，同丈夫許坤華掌舵嘅劍系馬，近年不斷擴張勢力，連同早前喺拍賣會以破紀錄廿萬投得嘅「劍二十」後，佢哋已經成功集齊七劍，而七劍呢排更加係頻頻下山，「劍斷浪」、「劍凌雲」及「劍飛聲」輪流報捷，難怪真係期期都見到貝貝喺凱旋門，毫不吝嗇show佢對美腿啦。

既然七劍呢排旺成咁，攻勢就梗係唔好畀佢停，星期日賽事就輪到另外兩劍「劍無名」同「劍聶風」出鞘，其中由告東尼訓練嘅「劍無名」上季尾於三班千二米，贏馬姿態相當出色，可惜之後因為健康問題缺陣一年，剛戰久休復出要即刻回復全盛期水準當然有難度，不過呢匹四歲馬始終有番多少質素，熱身後狀態應該更進一步，幫長腿姐姐捧走會員盃都唔係冇可能。仲有另一匹「劍聶風」無疑幾場演出都失望，不過今次初配李寶利就不容忽視喇，事關呢匹馬之前試閘一直由意國型男包辦，當時表現亦相當唔錯，人馬擺明合拍，加埋劍系嘅旺勢，要提防佢隨時變身。

馬上去片↓

http://bit.ly/2t5kzyO