【戰況R3】八歲贏第六W 海嵐一號光榮退役

近期馬圈熱話之一係潘明輝好難卜，梗係啦又騎得又減十磅，咁易搵呀?今場葉楚航就卜到火車潘騎「海嵐一號」，出閘搶到出嚟，直路走甩頂到番終點，贏馬就係咁簡單，搭今場第二名落飛嘅「勝利專家」開出31倍綠格Q，三、四名分別係位置落飛嘅「好叻仔」同「雄心速龍」。

葉楚航話今場無咩特別，好檔地淋減十磅，結果就贏馬。佢認為隻馬上到三班唔夠跑，所以會退役。馬主好好人，會搵地方安排隻馬頤養天年。

馬主胡啟初大讚航哥保養隻馬保養得好好，入到馬房都見到隻馬好fit。隻馬贏完今場之後就會退役，馬主希望佢可以喺掌聲中引退。同埋已經叫咗航哥幫手喺澳洲搵地方畀隻馬過退休生活。

第三場賽果：1-5-10-4

組合獨贏3揀1賽果：A1(最後賠率2.2)