【賽馬講呢啲】呢三個馬房最Like爆冷

點為之冷門？人人定義唔同。有人覺得10倍或以上已經係冷門，亦有人覺得要20倍或以上先叫做爆冷。攞個較「親民」嘅數字，以10倍開始劃分為冷門，咁邊個馬房最鍾意爆冷？

以上個馬季為例，爆10倍或以上冷W嘅練馬師，沈集成20場最多，以馬房全季贏48場馬計算，比例高到不得了。呢20場冷W入面，最冷為89倍「永旺年年」，次冷為62倍「按得贏」。

方嘉柏上季10倍或以上頭馬有15場，但以馬房全季勝出61場計算，比率唔算高。霍利時全季贏33場W，有14場為10倍以上，頭馬算係冷門居多。一樣勝出14場冷門嘅容天鵬，佔全季頭馬一半，名副其實最鍾意爆冷，當中爆得最甘為99倍「極速前進」及98倍「酷比仔」，你有冇份中呢？