【有片】一千萬同二十萬 邊隻可以贏馬先？
20170830
東網電視
更多新聞短片
劉柏輝（圖最左）匹「家品皇者」香港拍賣會身價最高，而葉思貝匹「劍二十」就最低身價馬，開鑼日一齊出。
上季嘅香港國際馬匹拍賣會，一口氣破咗本港史上最貴同最平成交價紀錄，都可以話係一大奇景，開鑼日「家品皇者」同「劍二十」呢兩隻話題馬將會齊齊登場，雖然佢哋跑嘅場次唔同，不過都可以隔空比較吓，究竟一千萬犀利啲？定係二十萬抵玩啲？
講開隻「家品皇者」，成哥練呢隻馬都可以話畀足心機，上季試完兩課閘之後，雷神一話畀啲時間隻馬再成熟啲，成哥就即刻收埋等今季試埋閘先出賽，今次呢隻千萬身價馬初出，就梗係大把人等睇佢有咩表現啦！至於隻「劍二十」，講身價真係立於不敗之地，如果有馬贏嘅就更加係Bonus啦！霍老爺早前都講到明會喺今季加強操練，希望可以盡快交出好表現，如果星期日畀隻「劍二十」喺頭場一出即勝，先「家品皇者」一步贏馬嘅，呢個平價馬嘅逆襲經典劇情，你都咪話唔精彩呀！
馬上去片↓