【有片】潮物在手！表情王帶領馬房走出寒冬
20180109
東網電視
更多新聞短片
有專屬Apps控制背心溫度。
潮流興講高端，依家著衫都一樣，今朝沙田馬場只有8度，正是寒風凛凛，當各人都孭住件厚厚羽絨大衣之際，見蘇偉賢(Chris)只穿一件薄背心，十分輕鬆，以為佢真係唔怕凍添。
Chris一向係馬圈潮人，呢件背心正是佢新「玩具」，原來衫內布滿發熱線，而且有專屬電話Apps控制發熱線溫度，果然係潮人玩物，難怪Chris唔著羽絨都可以暖笠笠。
不過比起用潮物暖身，相信Chris哥更希望嘅，係帶領馬房走出近期寒冬，事關練者自從舊年12月6號，贏咗隻「夢幻仙子」後，已經守齋成個幾月，最慘嘅係，佢唔係唔搏，而係幾匹明星熱門馬好似「八十八十」同「君達星」，接連屈居第二，真係唔止失手，簡直係失運，難怪佢都話自己係黑仔Chris，2018年要盡快重拾季初聲勢，今期呢匹「友享友賞」，可謂肩負重任，呢匹馬季內五戰都未甩過前三，而佢兩次同莫雷拉合作全部入晒Q，今次由雷神接番手，賽前仲整多課谷閘磨利狀態，Chris哥破悶局決心有幾強，已經唔需要多講啦！
馬上去片↓