【信心唔可以輸】賀賢話做人最緊要積極

新年大放送：開戶即送$300

https://goo.gl/K4fS4R　

電視劇《天地豪情》飾演卓尚文(大頭文)嘅羅嘉良有句金句：「咩都可以輸，信心唔可以輸！」相信喺呢一刻，正值低潮嘅賀賢，正正需要呢種態度。面對逾三個月冇馬贏嘅困境，賀賢近兩次賽事都試過輸啲啲跑第二，悲觀諗可以話自己黑仔，但樂觀啲亦可以話愈嚟愈接近勝利。

嚟緊周三谷戰，賀廐共有五駒參戰，餐士最好應該係第五場「慣勝積極」，呢匹質新馬上個禮拜三放到最後一步飲恨，今次匆匆再出跑谷中1200米，檔位比上次好，應該可以補中。至於一向忠心可靠嘅「勝利仔」，近兩仗回復鐵馬本色，今勻只孭114磅跑谷中1800米，睇吓賀賢能否一係唔贏，一嚟就起孖啦。