【有片】貝湯美：瀟瀟灑灑的給我瀟灑的上機

貝湯美今季以大摩主帥嘅身份來港，去到四月解約之後，唔少馬迷都好奇佢下季係留係走，結果尋日牌委會公布嘅公司騎師名單唔見貝湯美個名，佢亦宣布馬季結束之後，會返去悉尼繼續策騎，即係話玩埋今季就唔玩。難怪早幾日見佢喺社交網站貼咗一張一家大細，齊齊入倉搵「巴基之星」道別嘅照片啦！

既然離開已成定局，相信貝湯美都想好頭好尾，盡量贏多啲馬先走。周日第三場「銘記心中」今季3W全部喺五班拎到，照計喺五班跑點都賺啲班利，咁啱撞正莫雷拉停賽，貝湯美有機會執到呢隻機會馬，就算抽到個10檔起步麻麻地，點都要搏一搏希望可以贏番場。

另外，第十場「瀟灑王子」上季尾贏馬嗰陣都仲係60分，依家評分跌到落新低點49分，都差唔多到反彈嘅時候，隻馬上場放吓放吓最後畀佢捱到個第三，表現回勇，今次同場嘅前領馬唔算多，如果畀佢食到個勢慢放的話，話唔埋畀佢一放到底贏番場呀！

馬上去片：　

http://bit.ly/2JpNfhS