【轉戰澳洲】華禮納接手 龍城勇將周末復出？

前馬會副主席布魯士嘅「龍城」系賽駒，清一色支持苗禮德，目前亦有「龍城勝將」、「龍城銳將」、「龍城猛將」同埋「龍城勁將」擺喺苗廐，前駒今季已交出頭馬。不過，要數其中一匹令馬迷印象較深嘅「龍城」系賽駒，應該係已退役嘅「龍城勁將」。

呢匹澳洲PPG喺香港攞到5冠5亞4季，評分最高試過去到108分，最令人難忘係2016年5月1號嘅國際一級賽主席短途獎，只係不敵「尚多湖」同「幸運如意」跑第三名，而呢匹馬喺2017年12月23號角逐二班田草1000米跑第九名後退役。

不過，原來「龍城勁將」仍未結束競賽生涯，依家改由華禮納訓練，練者亦幫呢隻馬報名跑今個禮拜六喺玫瑰崗馬場舉行嘅一場1100米草地賽，睇吓到時又跑成點？