【戰況R9】家俊劏潘頓奪經典盃 咩仇都報晒！

冠軍騎師潘頓，呢日連贏兩場女皇銀禧紀念盃同香港金盃G1，不過，去到第九場香港經典盃佢匹1.9倍「達龍駒」，以為可以贏埋兼連執三場千萬大賽，點知最尾呢隻馬直路過來過去都追唔到同倉的92倍大冷門「妙算達人」，結果潘頓三場大賽差一場先贏得晒！仲有呀，騎「妙算達人」嘅梁家俊，早前先阻完潘頓要停賽，當日影到潘頓對住梁家俊口UP UP有嘢講，可能係鬧佢啩，今次家俊劏返潘頓，真係吐一口烏氣！

講返呢隻「妙算達人」，上次先喺四歲系列賽頭關香港經哩一哩賽得亞軍，壓住第四名的「達龍駒」，所以今仗冷到92倍，都其實幾意外，咁究竟羅富全輸咗隻「達龍駒」而爆咗隻「妙算達人」，佢咩心情？唔使講咁多，大家睇相喇，六爺好似張張都冇咩笑容噃，不過又咁講，羅富全繼經典一哩賽包Q後，今次又以「妙算達人」和「達龍駒」在經典盃包Q，大圍計佢啲馬係不分正副全力以赴，對馬迷嚟講係好事！至於是場跑第三、四名，就係「嘉應之星」及「添滿意」。

第九場賽果：5-1-4-2

組合獨贏3揀1賽果：A3(最後賠率5)

勝出練馬師賽果：B1_羅富全(最後賠率1.2)