【旺上加旺】楊明綸拖莎拉情侶檔剪綵

華籍騎師楊明綸，近期手風甚順，踏入二月份以來，已經有3W進帳。在今晚快活谷夜賽之前，綸仔中午帶同女友莎拉，出席「精簡最好」馬主蕭楚基位於將軍澳的新店開張儀式，擔任剪綵嘉賓，同場仲見到「綠草如欣」及新馬「天欣翱翔」嘅靚女馬主孫頌欣嚟撐場添。成班馬主嘉賓切過金豬摸過獅頭，說不定更加好運，今晚谷戰有望延績旺勢。

楊明綸今晚6匹坐騎，最值得留意是第5場容天鵬馬房初出馬「永同歡欣」，賽前試過谷閘有好走勢，再者綸仔最近3Win均出自容廐，騎練非常合拍，有權一出即勝。

至於蕭楚基名下「精簡最好」，初出跑直路賽熱身一場後，近日晨課亦有明顯進展，緊接而來周日賽事，將會報爭四班1200米，說不定馬主生意旺場之餘，由楊明綸為其帶來好成績以作交代，肯定最理想不高。