【有片】連續兩鋪都咁杰 真係人算不如天算！

馬上去片↓

https://bit.ly/2FypAYW　　

堪輿學家李丞責首次做馬主養嘅「歡樂從心」，上年底初出本來已是5倍熱門受熱捧，可惜當日此駒大敗包尾而回，賽後更發現流鼻血，結果抖咗三個多月今次才再上陣，今日責責同老婆劉倩婷都有再嚟捧場，而呢次「歡樂從心」就冷到13倍，起步後帶頭走原本好哋哋，點知去到拉士三百米又無端端大慢車，鞍上人潘頓打咗幾鞭見勢色唔對，已經企高身唔騎喇，結果「歡樂從心」又係輸到極遠跑尾二，賽後獸醫更驗出佢今次係氣管多血，兩次出賽都搞成咁，真係人算不如天算，唔知責責會唔會安排愛駒退役呢？

反而呢場有明星陶大宇捧場嘅「霸勝」，原本就跑第三，但頭馬「夢幻人生」被告甩後，「霸勝」就升一級名次跑第二，呢隻先有Luck呀~

上年底12月，剛榮升馬主嘅堪輿學家李丞責同港姐老婆劉倩婷，名下新貴「歡樂從心」初登場，外地出賽同來港試閘都好勁，所以初上陣臨場成為5.1倍次熱門，當時李丞責仲話愛駒機會非常樂觀，亦話當日著藍色(此馬綵衣顏色)有利，自己都係著藍衫到場，可惜人算不如天算喇，「歡樂從心」流鼻血，不過李丞責就話當日響另一場賽事買馬贏得過百萬，仲有贏馬飛畀大家睇添，都唔知有幸定不幸了。