【威完唔夠12粒鐘】猛龍過江！馬場皓楠又有「大」茶飯

練馬師呂健威今季除咗同何澤堯合作得如魚得水，另一位華將黃皓楠近期亦備受威哥重用，尋日隻「傳盛」正正就係皓楠哥季內為呂廐貢獻嘅首場頭馬，總算打開缺口，至於周三谷戰，騎練續有第場「上海大師」拍檔攻堅，且看能否將蜜月期延續。

今朝六點鐘，皓楠哥到場即策「上海大師」出大圈快跳兩段，走勢良佳，威哥親自打錶計時之餘，仲要拎埋望還鏡睇操，塊面痕都唔敢拗。課後，騎者第一時間去烽火台搵威哥匯報，兩人埋牙即互表意見，「上海大師」季內在皓楠哥胯下三次愈輸愈近磅，相信最期待嘅畫面好快會出現！