【港澳盃】對上一次客軍贏 已經數到...

講起一年一度嘅港澳埠際賽，近年不論係澳港盃抑或周末上演嘅港澳盃，一律係香港代表佔盡優勢，尤其係香港主場，基本上作客嘅澳門隊難有作為。如果數返對上一次由澳門代表勝出嘅港澳盃，已經係2010年，頭馬就係摩加利訓練嘅「爆料」，當時此駒於杜西奧胯下爆出99倍大冷W，擊敗「醉味」及「雅雪」，堪稱歷屆港澳盃最意外賽果。

至於最近一匹喺港澳盃入圍嘅澳門賽駒，就係今次同樣有參戰嘅「阿方索」，此駒喺大前屆賽事後上跑第二，不敵「飛來猛」，今次交由何華麟策騎，且看能否帶來驚喜？