【有片】囝囝出手 羅富全變身馬場沈震軒！
20190512
東網電視
更多新聞短片
馬上去片↓
開倉僅僅兩季的新紮練馬師羅富全，雖已年過五十，但每次入場Gel頭官仔骨骨，更贏得「馬場型佬」稱號。究竟這位打扮型格的倉主如何練成？秘密原來是其私人助理、曾修讀化妝的兒子阿濼親手打造！
本身修讀化妝，並且曾與朋友從事化妝生意的羅富全兒子阿濼（羅峻濼），當然不懂得教爸爸如何練馬，卻讓爸爸每次入馬場均以「型佬」姿態示人，十分吸睛。不過，阿濼透露一個殘酷事實，就是如果你想變成「型佬」，首要條件就是自己要型！
與晨操判若兩人
「我經常聽到不少人話爸爸晨操時衣着，與賽馬日入場的打扮，判若兩人。畢竟晨操時不用見人，入馬場則要聯絡不少馬主，我當然想爸爸保持一定形象。況且我一直覺得爸爸非常有型，他本身很注重飲食，身形喼得好，入場自然更醒神！」
阿濼笑言自己喜歡「買嘢」，爸爸則沒有時間購物，因此每逢他發現適合爸爸的服裝，亦會幫手購入，難怪全哥每次入場都型格過人。雖然由阿爺、爸爸羅富全甚至舅父何華麟，均在馬圈工作多年，但阿濼坦言起初對賽馬興趣不大，只是透過電視轉播才睇馬，更未曾接觸馬匹。
被問到為何放棄化妝生意，改任爸爸的私人助理？阿濼說：「當爸爸獲發牌做練馬師，我就決定於頭兩三季幫爸爸，希望他工作更順利。至於所謂私人助理，我經常對其他人講只係打雜，但目前接觸最多的馬房工作是處理新馬來港事宜。我幾乎每朝都與爸爸一起落晨操，最初有點不適應，但現時已經習慣早起。與爸爸每朝一齊睇七至八批馬出操，兩父子溝通機會比以前更多，非常難得。」