你知道養一匹馬每個月要幾錢嗎？

馬主，基本上與富貴劃成等號，一匹馬馬價閒閒地三幾百萬，有啲自購馬更貴到過千萬，而且每個月仲要畀養馬費等等，咁你又知唔知道香港馬主嘅養馬費幾多呢？

原來，馬匹訓練嘅費用每個月每匹盛惠3.3萬元，而馬匹放草則每匹每月收你14,860元，另外馬主仲要畀練馬費，置放喺香港馬房嘅賽駒每匹每月1000元，而置放喺從化馬房嘅賽駒每匹每月1,600元。仲未計馬匹出賽嘅報名費、馬匹醫療費用及針藥費用，計計埋埋真係幾乸利㗎！