【騎師身高之謎】現役最矮 唔使講一定係佢！

做得騎師身高多數有番「咁上下」，所講嘅咁上下，梗係矮細喇，咁大家又知唔知現役香港騎師之中，邊位係最短小精悍？畀啲Hins大家...係華人騎師...仲有就係上季上陣唔多，只贏過6場頭馬，成日幫何良贏馬嘅呢....

係咪up到口唇邊呢？開估喇，全港最矮騎師，就係狄狄仔蘇狄雄呀！大家睇吓d相，呢位32歲華將，仍然係小朋友身型，拍埋落吳嘉晉同何澤堯度，仲好似大人同細路合照咁架，蘇狄雄幾蒐係現役最矮小者，毫無爭議！至除咗佢之外，仲有邊幾位係矮人一等？大家再望吓相，東東巫顯東、意國型男李寶利，仲有田泰安都係小矮人，東東拍埋蔣嘉琦影相，都要輸一截呀，至於安仔同女友Xaverie，更加係名副其實嘅長短腳之戀呀！仲有啲相。見到楊明綸拍住史卓豐，明顯矮成個頭有多...不過呢...做騎師矮細又怕咩？呢個先係優點、咁先易平衡易做磅呀。