【有片】剋星讓路 城城拉完頭馬去買尿片
20191015
東網電視
更多新聞短片
馬上去片：
方嘉柏喺谷草嘅賽事一向表現較好，更有「夜神」稱號，今季柏廐暫時有5場頭馬，4場頭馬都喺谷草賽事獲得。今期賽日，方嘉柏派出10匹馬報名參戰，可惜有5匹馬列為後備，包括郭富城愛駒「舞士精神」﹐方嘉柏更一早卜定莫雷拉為「舞士精神」執韁，呢匹馬今仗打馬房王牌兼且上場跑入一席亞軍，竟然列為後備，令到唔少人都嚇一跳。不過，今朝容天鵬馬房「永同歡欣」宣布退出，令「舞士精神」後備補出，雷神嗰場唔使坐冷板櫈喇！
回說「舞士精神」，呢匹自購新馬上季在港一出即勝，其後練者提過會畀「舞士精神」休戰較長時間，季尾再出跑入Q。抖暑過後今季復出，但又跑入梗頸二，咁啱兩次都係輸畀容廐馬，城城難免都有啲失望。今期「舞士精神」首次出戰谷草賽事，呢匹馬演出一向穩定，增程至1200米，可以為「舞士精神」帶新鮮感之餘，又唔使遇上剋星容廐對手，希望城城可以再拉頭馬喇！
馬上去片：