馬圈愈多人講愈會開 呢次買晒四條田豐Q！

拆禮物日騎師室發生疑似開拖事件，兩位故事主人翁史卓豐同田泰安，為咗爭位差啲搞到郁手呀，咁又係嘅，家陣馬圈競爭激烈到爆，為贏場馬寸土不讓，就算frd底都冇情講，不過換個角度睇，其實咁對馬迷嚟講咪仲好，點都好過個個圍威喂打默契波，係咪？

嗱，豐豐同安仔呢單嘢，個個都知好快就雨過天晴拆得掂，唔通男人老狗嬲成世咩...之不過跑馬嘅嘢好邪門，愈多人講通常件事會發得愈大、愈唔會咁易停，咁今期2019送歲賽，豐豐同安仔真係會打真軍開片？咁又唔會嘅，不過可能兩個大打埋身戰埋幾條Q噃，跑完返嚟大家又會話：「田、豐真係私片開Q呀！」咁今期有邊幾場兩位同場呢？有第二場安仔「執到笑」、豐豐「雄龍」，第四場安仔「好腳頭」、史卓豐「威風駿馬」，第七場「加州議長」同「旌暉」及尾場「悅裕」、「雕神」，講講吓場場都有機會似層層呀，大家買條4串15玩吓喇！