好人一生平安！告仔开闸放仪仗马一条生路

早前连赢三期嘅告东尼，上期虽然断缆，但已杀上练马师榜第三位，与榜首姚本辉缩窄至10W距离，迅即纳入争冠之列。今朝快活谷试闸，告仔派四匹马过海出试，分别“阳光战驹”、“常常精彩”、“美丽笑容”及“风雨驹”，无独有偶四驹均未曾在港出赛，难怪走势比较稚嫩，相信志在开气，而由莫雷拉出试嘅“常常精彩”及何泽尧骑嘅“风雨驹”分别跑第三，名次上算最近磅，可加倍留意。<br/><br/>鉴于上述四件神秘武器会系东廐下半季重要嘅争冠筹码，告仔一早由沙田马场揸车嚟到现场打点，成为最早到场嘅练马师，仲做埋保安个位，主动帮仪仗马开闸，须知仪仗马专系带领脾气马或稚嫩马前往闸厢，正正为东廐今晨四匹新马而设，当时又未有保安在场，练者见状遂出于举手之劳开个闸，为人为己，总算瓦解了仪仗马一时嘅窘境。