【戰況R2】賀賢殺人鯨 全熱門補中

潘頓頭場騎「太陽戰馬」本來有全面性贏馬機會，只係畀班底較高嘅「萬事欣」fight back反啅，不過潘頓勝在子彈多，贏馬機會多的是，今場佢騎全熱門得1.7倍嘅「北極光」，呢匹賀廐馬上場初出已被捧成大熱，不過畀「年年豐收」放頭偷襲成功，今場「北極光」繼續用守住好位嘅跑法，直路同「上校」拍住鬥，過頭後直奔終點打開勝利之門，潘頓成功取得沙田日馬九連勝，至於賀賢亦連贏三期，「上校」跑第二，三、四名分別係落飛嘅「幸運傳奇」及「英明勇將」。

馬主王紅話今次有好檔，好騎師，所以都有信心，同埋隻馬係賀賢幫手買，而佢話自己係北方人，所以馬名有個北字，而英文馬名Beluga嘅意思係太平洋一隻好快的鯨魚。

第二場賽果：5-8-7-10

組合獨贏3揀1賽果：A1(最後賠率1.3)