馬主No Show 凱旋門唔再影拉頭馬相

今日沙田馬場破天荒閉門作賽，連有馬出嘅馬主都唔畀入，分享唔到勝利氣悅，由於冇馬主可以親自拉頭馬，凱旋門影頭馬相呢個環節亦取消埋，其實有時馬匹贏咗都冇馬主拉頭馬，都係正副練馬師及廐中人影頭馬相，如果場場都係咁嘅情況，咁就不如取消算，等到疫情過去，馬主再高高興興同愛駒影威水相。

此外，現時全港食肆堂食客人每枱限坐4人、入座率不可超過一半及每張餐桌之間需有至少1.5米距離等，今場沙田馬場所見馬會亦依足法例執行。